المواجهة بين نجم وباسم من جهة وعادل من جهة تانية بتوصل لمرحلة خطيرة. نجم وباسم بيروحوا لعند عادل بالمكتب ليعطوه المصاري والحصص، بس عادل ما بيوقف هون، وبيطلب الشركة كاملة مع بيت العيلة، وبيهدد بشكل مباشر: يا بتسلموا كل شي، يا السجن.
بهالوقت، يارا بتحاول تقرّب من عادل وتتحالف معه، بس بينصدمها لما بيكشفلها إنو نورس كاتب كل أملاكه باسم ورد، يعني هي ما إلها أي شي. الصدمة بتفقدها أعصابها، وبتقرر تهاجم نجم، بس باسم بيسبقها وبيطلق عليها النار لينقذو.
العلاقة بين نجم وباسم بتكون متوترة جداً، رغم إنو ورد بتحاول تصلّح بينهم. نجم بيشكر باسم لأنه أنقذ حياتو، بس بنفس الوقت بيأكد إنو ما في رجعة متل قبل. بعدها ورد بتواجه يارا بالحقيقة، وبتذكرها بكل اللي عملتو، وبتلوّح لها بالسجن، وبتحسسها إنو حتى باسم اختار نجم عليها، ووجودها بينهم صار مؤقت.
ومن جهة تانية، ورد بتكتشف من بلال إنو نجم كتب البيت باسمها ليحميه ويحافظ على حقها وحق عيلته، وهاد الشي بيترك أثر كبير عندها.
نجم بيبلّش يركّب الأحداث، وبيفهم من حديث عادل مع أبوه إنو عنده أخت ضايعة، فبيقرر يستغل هالنقطة ويستخدمها كورقة ضغط، وبيحط خطة ليوصلها ويخلص من تهديد عادل.
ورد كمان بتقعد مع جيهان وبتعرف منها تفاصيل عن ماضي عادل وأبوه، وبتفهم أكتر ليش نجم وثق فيها لهالدرجة.
أما عند جنى، فالوضع بينفلت تماماً… بتفقد السيطرة وبتبلّش تتصرف بطريقة غريبة، وبتدخل بحالة انهيار بسبب قصة الطفل، وبالنهاية بتختفي فجأة من البيت، والكل بيعتقد إنها هربت ورجعت عالضيعة لحالها.
حلقة مليانة توتر وانفجارات، وكل خطوة فيها عم تقرّب المواجهة الكبيرة.