الأجواء كانت مليانة فرح، وفجأة بيندق الباب… نجم بيفتح، وبتفاجأ الكل بدخول جنى، اللي بتباركلن بطريقة غريبة وبتعلن إنو في ولد جاي، وبتفل فورًا. الصدمة بتكون واضحة على الجميع، خصوصي ورد، لكنها بتحاول تتمالك حالها وبتبارك لنجم، وهو بيقرّبها إلو بحضور ملاك.
تاني يوم، يارا بترجع عالبيت وبتلاحظ إنو في مراقبة حوالين المكان من طرف رجال عادل، فبتنزعج وبتطلب منهم يبعدوا. بنفس الوقت، جنى مع أمها مصرّين يكملوا بخطة “الحجاب” ويحطّوه بجاكيت نجم، رغم رفض يارا للفكرة.
نجم بيقعد مع ورد وبيحكوا عن اللي صار، وورد رغم وجعها بتحاول تبين قوية، وبتأكدلو إنها جاهزة تكمل معه، وحتى بتقترح يقرّبوا موعد زواجهم، وبعد الحديث نجم بيمشي.
على خط تاني، عبير بتواجه رنا وبتخبرها إنو في دليل على خيانة نبيل موجود بموبايل جنى، فبتنهار رنا وبتقرر تروح بنفسها تجيب التسجيل لتسرّع موضوع الطلاق.
بنفس الوقت، جنى وعيلتها بيروحوا عبيت نجم، وبتنجح أمها تحط الحجاب داخل جاكيت نجم وتخبّيه بطريقة ما حدا بينتبه إلها.
الأحداث بعدها بتتصاعد بسرعة… عماد بيقرر ينتقم من جنى، وبلحقها ولما بيوصلوا قدام بيتها بيهجم عليها وبيضربها على بطنها، لكن المفاجأة إنو “الحمل” كان كذبة، وكانت حاطة مخدة.
بهاللحظة، يارا بتتدخل وبتضرب عماد ضربة قوية قاتلة. بعد شوي بيوصل نجم، وبيشوف جنى واقعة عالأرض، وبيفكر إنو صار شي للبيبي، فبيركض عليها. وبشوف عادل واقف ومعو أداة حادة، فبيظن إنو هو السبب وبيهجم عليه.
لكن عادل بيوضح إنو عماد هو اللي هجم، وهو تدخل بس ليدافع عنها، وبيأكد إنو عماد هو اللي مات بالنهاية.