يارا فوراً بتمثل قدامها وبتعيط على باسم وبتبين حالها ضحية، وبتقنع ورد إنو حاول يشتريها ليعرف مكان قبر نورس . فهون ورد بتعصب وبتواجه باسم، وبعدين بتاخدو عجنب، بس هو بيرفض يتراجع، وهي بتقلو إنها رح تتزوج نجم وبيفل وهو معصب .
يارا بتكذب على ورد وبتقنعها إنها مضغوطة بسبب ديون وبجوز باسم عرف هالشي لهيك كان عم يساومها ، فورد بتطلب منها تعيش معها، ويارا بتوافق فوراً.
بنفس الوقت، نجم بيحكي مع رولا وبيطلب موعد مع دكتور نفسي لورد، لأنو شايفها تعبانة من جوا بالرغم إنو عم تعمل حالها مبسوطة.
بالمشفى، جيهان وجنى بيعرفوا إنو البيبي صبي، وعادل بيكون عم يراقب، وبيهدد يارا يكشف سرها إذا ما خبرتو الحقيقة.
نجم بيرجع عالبيت، و ملاك والست هند بيضغطوا على نجم ليخطب ورد رسمي، وفعلاً بيوافق. ورد بتتصل بنجم وهو بيقلها جاي لعندها، وبنفس الوقت الست هند بتطلب من نبيل يجي.
بيوصلوا لعند ورد، والمفاجأة إنو جايين يخطبوا رسمي، وورد بتفرح كتير. بس برّا، بتكون جنى وأمها كانوا جايين يحطوا السحر على باب ورد بس بينصدموا من اللي عم يصير.
وقت طلب الإيد، عمتو نادرة بترفض نجم ، ونجم بيعصب، وبيروح لعند ملاك وبيطلب إيد ورد منها، وهي بتوافق، وبتتحول الأجواء لفرح.
بالمقابل، باسم بيبدأ يخطط لإفلاس نجم عن طريق شيكات وهمية.
وفجأة بيندق باب بيت ورد وبتكون جنى و بتفاجئ الكل: أنو نجم رح يصير عندو ولد!